San Martin-go azkenengo berriak

Gaikako bilketa, lehentasuna merkatuan

Asteazkena, Ekaina 15, 2022

Zaborra hondartzetan, arrainak tripetan plastiko-hondarrak dituztela, kalitate okerreko airea hirietan… Ingurumena babesteko gure harri koskorra jartzea da gure helburuetako bat. Horregatik, buru-belarri jarduten dugu gure eguneroko zereginetan sortzen ditugun hondakinak gaika biltzen.

2021ean, 130 tona hondakin jaso ziren merkatuko bilketa-puntuetan, honela banatuta: papera eta kartoia (117 tona), porexa (7,49 tona) eta plastikozko filma (4,74 tona). Zabor-kantitate izugarria pilatzen da merkatuan eguneroko jardunean, eta ondo bereizi behar da hori. Honela mintzatu zaigu Rafa González, San Martin Merkatuko birziklatze-instalazioaren arduraduna: «Hiru urte daramatzagu hondakinak biltzeko prozesuak hobetzen, eta oso emaitza onak ari gara lortzen. Hondakinak biltzeko instalazio bat sortu dugu, non material bakoitzak bere lekua baitu; horrela, errazagoa da handizkarientzat behar bezala birziklatzea». Izan ere, bereizitako guneak daude zabor-mota bakoitzarentzat, baita zabor organikoarentzat ere: hozkailu handietan biltzen da, usteldu ez dadin.

San Martin Merkatuko zuzendari Miren Celayak adierazi duenez, «Jasangarritasunaren eta planeta babestearen aldeko apustua da gure jarduera-ildo nagusietako bat. Zoragarria da ikustea San Martin Merkatuan ingurumenaren aldeko zerbait egiten ari garela, hain zuzen ere guztiok noranzko berean arraun eginda birziklatzearen arloan».

 

Banatu

Brick de mouton Gehiago ikusi
Camembert au four avec de la confiture d’oignons Gehiago ikusi